DAY4 - 2014.03.10(一) Seoul
行程: 南怡島, 廣藏市場, 仁寺洞
早餐: @Suitcasers , 飯糰+香蕉奶
午餐:@南怡島
晚餐:@廣藏市場
宵夜: 士多啤梨
住:Suitcasers
* * * * * * * * * * *
哎吔, 我地好大懵~ 尋日竟然個STAFF提我地係咪要交房錢,
我地先記得俾咋, 真係核突啦~! 應該CHECKIN時俾架嘛~
今日明明PLAN要好早起身, 當然我地早左食早餐, 但係...
食完早餐, 返房HEA時, 諗緊點去南怡島.......
因為之前喺WEBSITE見啲人坐ITX快啲, 但用T-MONEY搭好似好煩,
因為要用一部機"嘟", 再"嘟"第二部機
又冇乜人講到十分清楚....於是睇左好耐資料,清楚啦..就出門...
我地既路線有啲轉折~
哎吔~ 11:30至去到車站~
首先
1)坐2條線: CITYHALL站(201) -> 往十里站(208)
轉車
2) 中央線: 往十里站(K116) -> 上鳳站(K120)
轉車
3) 京春線: 上鳯站(P120) -> 加平站(P134)
11:45度,到達往十里啦~
即刻轉中央線~11:50度, 到達往十里站(K116)月台
呢度其實可以搭ITX架, 好似.....我冇深究啦, 反正我地唔趕, 唔使搭"ITX青春列車"啦~
坐到上鳳站
12:06到左上鳳站月台啦
又要去轉京春線啦~, 買定啲野食先~ 飯糰+香蕉奶~ 正!!
轉左京春線, 12:30度先開車, 呢條線係較長車程既~足足成個鐘頭
13:25, 終於到加平站啦~
嘩...凍呢~ 於是快速地離開月台,搵個地方坐低, 食野先~ 飯糰同香蕉奶~ 正!
13:45離開加平站, 要去南怡島既碼頭, 佢地有SHUTTLE BUS去勻附近既景點. 1 日劵5000W, 南怡島, 晨靜樹木園呀,包括近期"星星"效應既小法國村等等, 不過我地費事咁趕, 而且費事等, 於是目標鎖定只去南怡島, SO, 搭的士
大約五分鐘車程,話咁快到左碼頭了~ 承惠3300W
去南怡島有兩個方法, 一係坐船, 一係玩ZIPWIRE飛過去,
呢次我梗係揀坐船啦,咁凍~!
左邊嗰個唔係起重機, 係俾人跳BUNGEE JUMP架~!
去買票先~ 外國遊客8000W, (正價:10000W)
好韓國FEEL既門廊
上船囉
約5分鐘船程度, 到左南怡島啦~!! YO! 好舒服, 太陽晒住, 好和暖~!!
14:10分啦, 上岸啦~
同其他遊客一樣, 一上岸影影影.....
BTW, 我地租既WIFI EGG 由搭京春線嗰一刻開始係上唔到網架啦, 大家注意啦~!!
呢度係冬日戀歌既拍攝場地,佢個地圖會寫明邊度係拍邊一幕既地方......
呢度既林蔭大道, 真係好靚~
今日好多大陸遊客呀~ 好彩呢度夠大, 上岸散左之後, 都冇乜點撞到成班人....
好多表情得意既石像~
呢個小朋友好鬼得意~ 又擺POSE,好韓FEEL!
湖上已結冰~
呢度真係好舒服, 好有意境~!!
哈~突然見到...呢度竟然會有....駝鳥?!?!?!?!
嘩.....好大片草原呀~!!! 相信春天或夏天黎,綠油油啲,
真係可以好舒服咁黎呢度野餐!!
一定好正!
我地喺度HEA吓, 影吓相, 都消磨左半個鐘
呢度係冬日戀歌FIRST KISS既地方~BTW, 我已唔記得劇情....
個景真係好靚...好廣闊既草地, 好天氣, 旁邊又有好多林蔭大樹, 隔離就係海邊....
幾樣野加埋, 一個字, 正!!
又自娛吓, LET'S HAVE FUN!!
真係度度都可以影到靚相~
心情好, 簡直開心到"飛起"呀!
Toilart Studio??!?! Toilet是也~
嘩, 有天然火爐取暖, 不過我第一樣諗到既係......可以BBQ啦~!!
有啲人選擇租單車遊南怡島, 可惜我唔係好識踩~ 所以算吧~!
HAHA,唔識踩唔緊要, 有電動單車,企上去的~
食野既地方
有幾間餐廳可選擇
不過點解好似冇開咁既~?
都係去返個露天FOOD COURT食個輕食LUNCH啦, HAHA 都唔叫LUNCH囉, 4點都黎緊啦
叫左一份烏冬, 一份拉麵, 我都係鍾意食拉麵多啲, 因為係辛辣麵丫嘛~
冬季戀歌既水牌~
大大小小既POSTER都係呢一個SHOT我最有印象~
好多雕像~
崔智友同裴勇俊既銅像....感覺怪怪的..... HAHA
又一結冰的湖
回程時行湖邊, 感覺好寧靜, 好正~!!! 仲影到個月亮TIM~
BTW, 呢度既TOILET真係好有文化氣息~ 會放啲圖書喺廁格裏面呢~
5點零了, 係時候回程啦
行返出少少, 去的士站等的士返加平站, 回程平啲, 3000W
差不多17:45了, 搭返京春線了, 唔知跟住落黎去邊, 諗吓諗, 等收到WIFI先再SEARCH啦,
好啦, 去廣藏啦咁.....順路啲
回程
(1) 京春線 : 加平(P134) -> 上鳳(P120)
轉
(2)中央線: 上鳳(K120) -> 回基(K118)
轉
(3) 1號線: 回基(123) ->鐘路5街(129)
到站時已19:15啦~!!
喺9或10號出口一出,入去便是, 嘩, 呢度就好似大排檔+街市咁....好多人
我地先兜左個圈,睇吓咩環境先~ 有好多KIMCHI, 紫菜飯卷, 同綠豆煎餅~
我都係臨行前睇左嗰集RUNNING MAN, 特登黎食綠豆煎餅~
唔知試邊間好, 見到人潮排隊, 有你冇你排左先~ 阿MAY即刻上網SEARCH啲人會叫咩黎食~
原來佢地都會叫一份綠豆煎餅, 一份豬肉煎餅, 同埋瑪格麗(類似米酒咁), 不過味道幾OK喎~
相對之下, 豬肉餅係香啲, 綠豆餅係清啲, 不過我知....一定十分熱氣~
唔理啦....喉嚨一直未好返都照食吧~!!!
(BTW, 隔離嗰對情侶見我地係遊客, 好幫我地~ THX)
食完真係好鬼飽, 仲諗住買紫菜包飯返去, 結果都冇買到, 買左盒士多啤梨~ 4500W
阿朱媽收我地4000W就叫我地走啦, 多謝晒~!
阿MAY你怪錯左阿朱媽啦~!!
嘩, 呢度既生牛肉, 你夠唔夠胆食~!?!??
食完8點半度, 仲早, 唔知去邊~ 離開廣藏市場, 就去吓仁寺洞啦....唔知收晒未呢???
搭左一個站, 去鐘路3街望吓...有啲小食檔, 但大部份舖已關, CAFE就仲開~
似乎冇乜野行, 於是行去搭地鐵, 諗住返歸囉~
呢間CAFE好得意, 出面望就好似望玩具屋咁.....好正~!!
呀, 原來仁寺洞又有地下街, 於是又去逛吓啦, 點都買啲野啦,
YEAH! 又買衫。
好啦, 好啦, 行完真係返歸啦! 10點啦
喺鐘閣站(131)搭一個站返市政廳(132)啦。
喺鐘閣站(131)搭一個站返市政廳(132)啦。
好得意既擺設~ 仲寫埋YOU ARE NOT ALONE~
返去食宵食, 買野飲先~~~
SO TIRED!!! 食完宵食, 係時候瞓啦~!! 好夜啦~ 明天會去邊???
WELL~ 明天先算, 下一篇話你知!
沒有留言:
張貼留言