2014.03.07~03.14~DAY 2~首爾慢享美食血拼の旅

DAY2 - 2014.03.08(六)  Seoul

行程: 弘大, 新村, 梨大, 明洞

早餐: @Suitcasers

午餐:橋村炸雞

 晚餐:烤肉@那度香

住:Suitcasers

* * * * * * * * * * *

 今朝自然醒, 差唔多10點度至上去4樓, 食個簡單早餐, 有吐司, 有粟米片,
飲品有橙汁, 牛奶, 咖啡, 茶等等, 
餐具就自己攞, 用完自己洗返就得。

吐司可搽花生醬, 或果JAM, 或朱古力醬

食完早餐, 跟住回房HEA吓後, 諗吓今日去邊好??? 好啦, 今日就去弘大, 新村同梨大一帶啦, Let's Go!! 今日11點45分先出門, 我地行去市政廳站(201), 今日第一次行去地鐵站, 唔熟路, 所以行左個遠啲既入口(7號入口)8號入口應該近啲啲, 坐2號線去到弘大入口站(239)

增值T-MONEY咭先, 開初以為用藍色嗰部, 了解過後, 應該用綠色嗰部增值就得, 放張咭喺個SCAN機度, 然後跟住screen指示, 入錢, 就攪掂啦~!!!

YEAH! 到弘大入口站(239)啦, 喺9號出口行

今日係週末, 所以幾熱鬧, 開始感受到首爾既一啲啲氣息啦~!

好多特色小店同CAFE

環境好舒服, 一條大街, 兩邊就有好多靚靚舖頭, 好正~!!!

行經弘大啦,影吓個門口先~

好, 一路行, 一路睇吓搵唔搵到橋村炸雞先~點知原來行過附近, 但錯過左....

結果兜左一個圈後仲要用GOOGLE MAP先搵得到, 蠢左! 不過途經既BUILDING都好有特色

BOUTIQUE都咁靚

餐廳都咁靚

終於....搵到你了~ 橋村炸雞....... 一黎就有"始源"企喺門口

呢個係去橋村炸雞既大概路線, 應該唔難找吧~

我地叫左HALF HALF, 即原味+辣味雞翼/雞搥, 再多叫一份salad! 每人叫左一杯汽水, 

好飽呢...足足食左成粒鐘先食得晒~ HAHA, 3至4人食就最FIT!

我個人鐘意辣味多啲啲, 不過真係有啲辣架~!!

食完當然又去SHOPPING啦, 佢有好多好抵買既衫, 不過因為當地仲係好凍, 似乎夏天衫真係唔多選擇~!! 所以我都係睇吓啲薄既長袖衫同短袖衫

呢個自由市場, 每逢週末同週日先有, 好多檔都係賣吓啲HANDMADE野, 幾有特色~!!

街邊好多攤檔,都好多野睇~

行完弘大, 跟住搭地鐵去新村站(240), 行行行, 諗住睇吓邊度有CAFE坐低吓

行吓行吓, 都唔知行左去邊.... HAHA

應該係行去梨大方向呱~, 喺梨大買左衫褸, 同啲襪, 同頭飾~行完返旅館歇一歇先~!!!

夜晚食乜好呢??? 最後決定去那度香食啦~!!! 

我地叫左豬五花肉同豬排骨.同埋叫左個石頭鍋飯..好飽呢~!!!

 那度香(紅圈)位置, 好近大使館(藍圈)架, 向前再行就係~!!

 食完都10點了,再去明洞逛, 星期六晚仲多人呢~!!!! 不過開始關舖了~!! 返歸啦~!!!

明天去邊呢?? HAHA, 未決定....明天再諗~!